An Uico Hmin Ruangah An Innhnen Tei In An Urkang

India ram ahhin uico hi an ngainiam zet. Gujarat khawpi ih um innsang nu pakhat cu an uico hmin ruangah an innhnen tei in datsii in an tawih ih an urkang, hliamhma nazet a tuar ih siizung ah an tuamhlawm rero lai.

An uico hmin ah “Sonu” tin an phuah, an innhnen nu ih hmin khal “Sonu” a si ruangah an uico hmin an ko tinten an rak thinheng thei tuk. Kum 35 mi Neetaben ih pasal le a fale 2 cu innleng ah an suak ih cumi sungah an innhnen tei mi 5 in an va lutchilh, an uico hmin thuhla cu an rel ih ṭongkam an el’aw ciamco.

An innhnen pacang in Neetaben cu a hringhro ih an ṭongkam ngai paih loin coka ah ava lutsan ruangah coka ah an va lutchilh ih datsii in an tawih hnuah an urkang.

Neetaben cu bawmnak dil in a au ciamco ih vengsung mipi pawlin meisa cu an thelhmit sak, a pasal khal ara thleng ve hngal ih siizung ah an tlanpi, a nunnak cu seherh um dinhmun a si lo ih palik sakhan ah thubuai an thehlut. An innhnen tei in an uico hmin cu “In tihrimnak ah a hmin an phuah hrim” tin palik hnenah an sim thei ve.

Palik pawlin hitei innsang hnih cu ahlan khalah tidai thuhla ruangah an rak sualaw ciamco, asinan an tidai thubuai cu an tifel aw thei” tin media hnenah an sim thei. Palik pawlin mi urkangtu innsang member 6 cu mithat tum thubuai, mi leiram sungah daan loin lut thubuai le mi hmuhsuam thubuai pawl an orhter nan tutiang ah zohman ah an kai hrih lo. (#India Times)

Be the first to comment

Leave a Reply

Your email address will not be published.


*