An Venghnen Pawlin “Na Fanu Cu A Lengtar Ding” An Ti Ṭheu Ruangah A Riahsia Tuk, Asinan Duhtu Anei Ti A Theih Veten Mokor Thawn An Venghnen Pawl Cu A Phirsit

Nulepa pawlin an fale hrangih an duhmi thil pakhat cu an damsung ah innsang din in anmahten an ding thei lai hmuh hi a si. Pacang, pa pawl hi an ṭong mal zet nan ziangkim ah nu aiin feeling an rak nei sawn.

Vietnam khuate ih um pacang cu a fanu kum 30 kim zo in pasal anei hrih lo ruangah vengsung mipi pawlin, “Na fanu cu duhtu khal anei lo, khatin a lengtar ding” tin an capoh ṭheu ruangah a riahsia tuk.

A fanu ih rualpi pawl cu pasal nei in fanau an cawi rero lai a hmuh tikah cun a thinhar deuhdeuh. Asinan a fanu cu a hnaṭuannak khua dangah tlangval anei ih a tlangval in neihawk a sawm ti a theih veten a fanu aiin a pa hi a lungawi sawn.

Neiaw dingin ziangkim an tawlrel hnuah a fanu ih mokor ding cu funghreu ah ret in an khuasung ah hni siamsiam in a vahpi vivo, a fanu khalin a pai thinlung cu arak theithiampi ih a zuk. An venghnen pawl khalin “lungawi um tuk” tin an rak lawmpi ih a fanu ih pasal neihnak cu an khawsen in an lungawi tlang.

Be the first to comment

Leave a Reply

Your email address will not be published.


*