An Vuiliam Hnu Zarhhnihnak Ah A Tlungsal !!!

India ram cu Covid-19 natsia in a nuai ciamco ih mithi khal an tam zet zo. Andhra Pradesh, Jaggyyapeta khua ih um pitar kum 75 mi Muthyala Girijamma cu Covid-19 in a dam lo ih a bese zet.

May 12 ah Government General Hospital ah an admit ih May 15 ah a thi tin siizung lamin a innsang pawl hnenah an sim thei. Siizung lamin Covid-19 daan le dun vekin a ruang cu an tuam thluh ih a innsang pawl hnenah an pe.

A innsang pawl khalin nathrik kai an ṭih ruangah an zohfiah nawn lo ih a sun ah an sakhua dan vekin an urkang hngal. Zarhhnih hnu June 2 ah Muthyala Girijamma cu dam le hrisel zetin an khua ah ava tlungsal cu an khua mipi pawlin mak an rak ti tuk.

A pasal le a fale pawl khal an mangbang thluh. Cutin, thilumdan pawl an zingzoi ih arak thi lo ti an thei, siizung lamin an theihsual ruangah mithi ruang diklo an rak pe. Asinan, an rak vuiliammi mithi ruang cu zo a si ti an theifiang hrih lo.

Muthyala Girijamma in zarhhnih lenglo siizung ah aum ih zohman in an vehvai lo ruangah a innsang pawl cu a phun ciamco. Cun, cozah in Covid-19 damlo pawl an bawmmi Rs 3,000 khal a hmang ṭul phah ih inn tlungnak ih a hmang thu pawl a sim. (Ref: India Today)

Be the first to comment

Leave a Reply

Your email address will not be published.


*