April Fool’s Day Ruangah Thihnak A Thleng

April 1 cu leitlun huap bumawk ni, capoh awk ni ti a si nan thihnak arak thleng zo. 2003 kum ah China ram ah thihnak a thlen phah. Shanghai Medical College tlawngta Lin Senhao in a rualpa Huang Yang hnenah capoh a tuah. A tidai in dingah siti le zu malte arak rawi, a rualpa in tidai cu theithiam loin a in ih an rak hnihsan ciamco.

An capoh awknak hi ṭihnung um lo zet cu a bang nan Huang Yang in pumpi nat arak neicia ruangah a talbuai. Siizung ah an tlanpi ih zarhkhat sungah a thi, capoh tuahtu Lin Senhao cu palik pawlin an kai ih thihdaan an orhter hnu December 11, 2015 ah an that.

US, Tennessee lo hnaṭuan pacang John Ahrens in a nupi a capohnak ah thihnak a thleng. Hnipuan sia zet a hruh ih a hmai cu mask var in a khuh thluh, cutin an inn sangka ava king ciamco hnuah a nupi in arak ong ih a theithiam lo.

John Ahrens in awkaa hro zetin, “Inn neilo ka si. Rawlei ding in pe aw” tin a hro ciamco hnuah a nupi in a ṭih tuk ih a tlu tupti. Siizung ah a tlanpi hngal nan siizung an thlen hnuah a nupi cu a thi, sibawi pawlin a thihnak san cu, “A ṭih tuk, a lau tuk ruangah a si” an ti.

Be the first to comment

Leave a Reply

Your email address will not be published.


*