Arnold Le A Nupi An Ṭhenaw Fel

Kum 74 mi Arnold Schwarzenegger cu leitlun huap lemcan thiam hminthang a si. Lemcan khawvel ihsin a suah hnuah ramkhelhnak ah a lut ih California ramhruaitu hna a ṭuan.

2011 kum ah ramkhelhnak khawvel ihsin a suaksal. Arnold hi a hminthang in sumpai khal anei tam zet nan an innsang nun cu a nuam lo tuk, a nupi kum 66 mi Maria Shriver thawn 1986 kum ah an neiaw ih fate 4 an nei.

July 2011 kum ah a nupi Maria in ṭhenaw dingin court ah thubuai ava ṭhenlut ih hmun dangdang ah an um. Kum 10 hnu December 28, 2021 ah court in ṭhenaw fel dingin thuthluknak a tuah.

A nupi in ṭhenaw dingin thubuai a thehlutnak san cu 1996 kum ah an hnenum Mildred Baena thawn an ittlang ih fapa an nei ruangah ṭhenaw dingin thubuai a thehlut. Arnold khalin thudik a si thu ‘Total Recall: My Unbelievably True Life Story’ cabu sungah a ngankhum ih “Ka innsang ah buainak tuahtu ka si, ka thiam lo a si” a ti.

Be the first to comment

Leave a Reply

Your email address will not be published.


*