Assam Nunau Palik In A Pasal Ding A Kai

Assam nunau palik Junmoni cu miralṭha tin an lawm rero. A pasal ding cu miṭha lo a si ti a theih veten sakhan ah thubuai a thehlut ih an kai.

October 2021 ah tlangval Pogag thawn hamawknak an tuah ih tuikum 2022 November ah neiaw ding an si. Pogag cu Oil and Natural Gas Corporation (ONGC) ih hnaṭuantu vekin aum ih mipi pawl a bum ṭheu.

ONGC ah hnaṭuannak pe dingin mipi pawl a bum ih sumpai a dil. Sumpai tam zet arak eiru zo, Junmoni in a pasal dingih thuhla cu a theih veten a bag sung a zohsak ih seals lem le documents lem pawl a hmu. A pasal si mai ding cu thawnginn sungah a khum.

Junmoni in, “A thuhla in simtu mi pathum hnenah lungawithu ka sim, mibum hmang turu zet arak si. Ka mit an varter” a ti. (#India Times)