ATM Sungih Paisa Ruk A Tum Ih A Tang

Leitlun ah ATM ru thuhla theih ding a tam zet zo. India, Tamil Nadu ih tlangval pakhat in ATM sungih paisa ruk a tum ih a tang cu palik pawlin an va runsuak hnuah an kai.

Rukru cu kum 28 mi a si ih a hmin cu M Upendra Roy a si, Bihar khuami a si ih Tamil Nadu ah hnaŠĻ≠uan in aum. August 5 zan nazi 12:15AM hrawngah ATM dunglam ih phar cu a ti siat ih dunglam ihsin paisa lak a tum nan a hlawhsam.

Cutin phar kua ihsin a lut ih lungto in ATM hmailam cu sutsiat a tum, kiangkap um pawlin a thawmvang an rak theih ih palik pawl an ko.

Palik pawl an va thleng tikah cun a tlansuak thei nawn lo ih a tang. Palik pawlin an runsuak hnuah Namakkal sub-jail thawnginn sungah an khum.

Be the first to comment

Leave a Reply

Your email address will not be published.


*