August 25 Sun An Kahawknak Ah CDF-Mindat Mino 2 An Thi

August 25, 2021 ah Mindat peng, Palei-Htwe khuate ah ralkap le mipi kilhimtu CDF-Mindat pawl an doaw ciamco ih CDF mino 2 in ram le miphun hrangah an nunnak an hlan.

“Nunnak hlantu mino pakhat cu a pum ah an kap ngah. A dang pakhat cu tuisun ah ramlak ah kan sar, meithal kahnak in a thi ve” tin an tarlang.

Ramlak ih an hmuhmi CDF mino pakhat cu ralkap in an kai ih an hrem hnuah a thi si ding tin zumnak an rak nei lawk ih thuthang khalah an tarlang.

Asinan, CDF-Mindat in “SAC ralhrang in an hrem hnuah an thatmi a si lo. Doawknak ah an kap ngah ih a nunnak a liam” tin simfiangnak an nei. An doawknak ah ralkap lam khal mithi le hliamtuar an tam zet nan an cazin cu an theithei hrih lo.

Be the first to comment

Leave a Reply

Your email address will not be published.


*