August 3 Sun Hakha-Thantlang Karlak Doawknak Ah Ralhrang (3) An Thi

August 3, 2022 sun ah Hakha-Thantlang karlak ah tualsung mipi ralkap tangtlang le ralhrang pawl an kap aw ciamco.

Timit lilawn tuah dingih feh ralhrang mipum 80 hrawng cu CNA, CDF-Zophei, CDF-Hakha, CDF-Thantlang, CDF-Lautu le CJDC ralkap pawlin August 3 sun ah veihnih an kap.

Sun nazi 1:00 ah nasa zetin an kap aw ciamco ih ralhrang 3 an thi, zanlam ah veikhat an kap sal ih khua a thim deuh zo ruangah ralhrang thi le hliamtuar thuhla cu an theithei lo. Ralhrang pawlin ralthuam picang an hmang. Mipi ralkap lamah mithi le hliamtuar an um lo.

July 31 ihsin an kap aw thok ih ralhrang pawl cu an kir lo ruangah mipi ralkap pawlin kiangkap ihsin an bawh lai. Ralhrang pawlin Timit hmunram hi lak an tum ruangah doawknak a um peh vivo thei tin CDF-Zophei in thu an suah.

Be the first to comment

Leave a Reply

Your email address will not be published.


*