Aung San Suu Kyi Ih Rualpi Ṭha In, “2023 Kum Hrihawknak Ah NLD Party Khal Tel Sehla Ka Duh” A Ti

Aung San Suu Kyi ih rualpi ṭha, Myanmar ramkhel hminthang Daw San San Nu in, “2023 kum hrilawknak ah NLD party khal tel sehla ka duh” a ti. Daw San San Nu cu Democratic (Myanmar) Party ih Chairman ṭuanlai a si. Hringtu a pa cu Myanmar Prime Minister hlun U Nu a si.

Media pawlin thu an suhnak ah Daw San San Nu in, “NLD cu Party tum a si. Mi tampi ih cohlang mi Party a si ruangah hrilawknak ah tel sehla ka duh, mipi pawl khalin an cohlang ding” a ti. Myanmar ramsung thuneihnak latu Min Aung Hlaing in 2023 kum ah rampum huap hrilawknak a tuahsal ih nehnak cotu hnenah thuneihnak hi a hlan tum thu a phuang.

Asinan, NLD party cun himi ralhrang hrilawknak ah zumnak an neih lo thu an phuang. Ralhrang pawlin ramsung thuneihnak an lak veten NLD hruaitu, sungtel pawl cu 2020 kum hrilawknak ah dik lo zetin an cangvai, hrilawknak thubuai hi cinfel an tum lo ruangah an kaih thu pawl an tarlang.

Myanmar ramsung ah peng ṭhen 330 aum ih 2010 kum hrilawknak ah peng ṭhen 325 an tel, 2015 kum hrilawknak ah peng ṭhen 323 an tel ih 2020 kum hrilawknak ah peng ṭhen 315 an tel tin an ngankhum.

Be the first to comment

Leave a Reply

Your email address will not be published.


*