Aung San Suu Kyi In “NLD Cu Mipi Hrang Dinmi A Si Ruangah Mipi An Um Sung Cu Aum Ringring Ding” A Ti

Tuisun May 24 ah Aung San Suu Kyi le a thuhla buaipitu lawyer Thae Maung Maung an tongaw thei, ralkap in an kaih hnu ihsin ahmaisabik an tong awknak a si. Naypyidaw court ah Suu Kyi ih thuhla cu an buapi.

Ralkap pawlin May 21, 2021 ah Myanmar ramsung hrilawknak neisal dingin meeting an rak ko ih NLD party cu hlonhlo an tum, a sungṭuan pawl khal rampi phatsantu tin thubuai an orhter thluh tum.

Lawyer Thae Maung Maung in “Biakawknak caan kan nei mal tuk. Lenglam thu arak thei dah lo, phone khal a kol lo ih internet khal anei lo ruangah lenglam thuhla a thei dah lo. A harhdamnak a ṭha, Suu Kyi in ‘Damcak zetin um uh, NLD cu mipi hrangih dinmi a si ruangah mipi an um sung cu NLD aum ringring a ti” tin media hnenah a sim thei.

Ralkap in Aung San Suu Kyi cu thubuai 6 an orher ih thubuai pakhat ah minute 5 sung lawng reltlang theinak caan an pe. Minute 30 sung a lawyer thawn an tongaw.

Lawyer Thae Maung Maung in an kaihmi President U Win Myint le Dr. Myo Aung khal minute 30 sung veve a tong. An pathum in an dam ṭha thluh ih an harhdamnak khal a ṭha a ti, Court in an thuhla a rel hnuah ralkap pawlin an hruaisal. July 7, 2021 ah court hmaiah an langsal ding.

Be the first to comment

Leave a Reply

Your email address will not be published.


*