Aung San Suu Kyi In “Sualnak Ka Nei Lo” Tin Court Hmaiah A Rel

September 28, 2021 sun ah Myanmar ram thurawn petu Aung San Suu Kyi, President U Win Myint le Dr. U Myo Aung pawl ih thubuai cu Nay Pyi Taw court ah an rel. An thubuai orh mi rampi daihnak siatsuahtu timi pukmah 505 cu an relsak.

Lawyer Daw Min Min Soe in “Tuisun ah pukmah 505 thubuai an orhmi cu an pathum in thusutnak an nei, lawyer in himi nan thubuai orh mi ah nan sual maw?” tin a sut ih an pathum in “Kan sual lo” tin an let.

Lawyer in “Ziangruangah nan sual lo?” tin a sutsal ih an pathum in “Himi thubuai pawl hi kan tuah lo ruangah kan sual lo an ti” tin media hnenah a sim thei. Himi an thubuai 505 cu hmaizarh October 5 ah an relsal ding, tuizarh sungah ni 4 sung cu court ih feh dingin ko an si.

Tlawngkai nithum sun tilo, zung kai ni 4 sung cu court ih an feh ringring a ṭul ruangah an lawyer in hmaizarh sung cu cawl hahdam dingin a dilsak nan an cohlang lo. Ni 4 sung rori zung ih an feh a ṭul ruangah Aung San Suu Kyi ih harhdamnak a siatsuah pang ding ti an phang.

Lawyer Daw Min Min Soe in “Tui zarh sungah ni 4 sung cu court ih an feh a ṭul ruangah Aung San Suu Kyi ih harhdamnak a seherh um ruangah hmaizarh sung cu zung kai lo ding, cawl hahdam dingin ka dilsak nan thuṭhentu lawyer in a cohlang lo. Aung San Suu Kyi khalin a sinpi dandan in tuah ko seh a ti, tu hrih ahcun Aung San Suu Kyi ih harhdamnak cu a ṭha zet” a ti.

Be the first to comment

Leave a Reply

Your email address will not be published.


*