Aung San Suu Kyi Kiangih Um Ringring A Uico Damlo Bese >>>

Kum 76 mi Aung San Suu Kyi cu England ramah pasal nei in fate 2 an nei, cumi hnuah a pasal le a fale pawl fehsan in Myanmar ramsung buainak ah a lut ih kaih a tong. A pasal, a fale, a tule kiangah caan hmang thei loin aum ringring.

A fapa in uico a present ih a hmin ah Tai Chi Toe tin a phuah. A fapa in ‘Na umhar caan, na fale, na tule pawl kiangih um na cak caan ah himi uite in lo hnem hram seh. Na umhar hnemtu ding, na kiangih um ringringtu dingah” tin laksawng ah a pe.

Aung San Suu Kyi khalin a uico cu a duhdawt zet ih a fehnak kip ah a hruaitel vivo, a uico khal a pi um loin aum thei ve lo. Ralhrang pawl ih an khumnak hmun khalah a uico hi a telve.

Tuiṭum ahcun a uico Tai Chi Toe hi a thi tin thuthang a lengvak ciamco ih mipi in tuarpinak phunphun an langter. Asinan a thuhla an zingzoi vivo tikah cun a thi hrih lo ti an theisuak. A uico cu a damlo bese zet ti an thei ih mipi in dam lohli hram seh’ tin duhsaknak an hlan.

Be the first to comment

Leave a Reply

Your email address will not be published.


*