Aung San Suu Kyi Kilhimtu Cherry Htet An Kai

Myanmar ram thurawn petu Aung San Suu Kyi kilhimtu (bodyguard) Cherry Htet cu ralkap pawlin an kaih thu September 24 sun ah an phuang. Nay Pyi Taw, Zabu Thiri Township ih ralbawi pakhat in rampi buaitertu tin pukmah 505 in taza a cuai hnuah an kai.

Ralkap pawl aiawh ih thuphuangtu Zaw Min Tun in “A thubuai pi bik pahnih cu kan zingzoi rero lai, NUG tapung pawl thawn an pehtlaih awk ruangah kan kai” a ti.

Cherry Htet in “March 6 ihsin thildik lo cu thildik lo a si tin na relsuak ngam lo asilen zianghman rel loin daiten um men aw. Thildik lo cu a dik a si tin na rel a áš­ullo” tin a facebook cahmai ah a tarlang zo.

March 17 sun ah “Khilam in CDM na tuah lo asilen ralkap lamtang tin hremnak kan lo pe ding in ti. Khalam in CDM na tuah asilen ralkap dodal tin kum 13 sung thawng kan lo thlak ding an rak ti ve, khatlam khatlam in kaih in tum ruangah ka hnipuan pawl phur in thawnginn sungah ka va lut lawlaw ding maw si. Ka hnipuan pawl ka tuahcia zo” tin a tarlang.

March 14 sun ah We Love Daw Aung Suu Kyi Facebook Page ah “Ka nu, ka lo ngai tuk” timi post cu a share sawng. Ralkap in Cherry Htet an kaihnak a san cu hitin an tarlang ‘June thla ah NLD party, Bilin MP hlun Ma Thiri Yadanar thawn an pehtlaihaw ih dothlennak ih an cangvaihnak zuk pawl a kuat. NUG tapung pawl ih thuhla a sim thei.

Ramdang thuthang pawl hnenah ramsung thuthang a sim thei ruangah kan kai” tin an tarlang. Kum 30 mi Cherry Htet cu pukmah (W) 102/2021 le 505-A in thubuai an orhter ih an kai.

Be the first to comment

Leave a Reply

Your email address will not be published.


*