Australia Ah Ling A Hnin, Indonesia Linghnin Ih A Hngawng

Australia, Darwin khawpi ah ling a hnin, linghnin thacak lam hi magnitude 7.3 a si, kan dung Indonesia ramsung ih linghnin ih a hngawng a si ih linghnin cu a bangaw.

Indonesia ramsung ling a hnin thluh veten zingzoitu pawlin tsunami tilian rapthlak zet a thleng ding tin ralrinnak thu an suah hngal ih a thleng ngaingai. Mipi inn le lo a siatsuah ih mithi le hliamtuar khal tam zet an um.

Tuiṭum Australia ram ih linghnin ahcun tsunami a thleng lo ding tin Bureau of Meteorology in a phuang. Tsunami suahnak ding lamzin sulhnu zianghman aum lo an ti. December 30, 2021 zingpit ah Darwin khawpi ah ling a hnin.

Tualsung mi pakhat in, “Minute 1 sung hrawng ling a hnin ih a rapthlak tuk, linghnin ka ton ṭihnung bik a si. Zinglam nazi 4:00 ah linghnin ruangah ka thangharh” tin online parah a tarlang. Australia linghnin ah mithi, hliamtuar le thilri siatsuahmi thuhla report zianghman aum hrih lo.

Be the first to comment

Leave a Reply

Your email address will not be published.


*