Australia Cozah In Damlo Khirhkhan, Beisei Ding Um Nawn Lo Pawl Cu Nunnak Cemter An Siang

Australia cozah in kum 5 sung Euthanasia timi daan hi an rak buaipi rero, cozah hnaṭuantu lakah himi daan hmang duhtu le duhlotu an um ruangah an elawknak thupi pakhat a si. Euthanasia timi cu damlo besia, damsal dingih beisei um nawn lo. Natnak tuar rero pawl cu an duhhrilnak vekin an nunnak cemter siannak a si.

Himi daan cu leitlun ram ṭhenkhat ah an hman rero zo, nitinten natnak tuar ih an aihram rero aiin hahdamten an thih lohli hi an duh sawn. Damlo khirhkhan, beisei ding um nawn lo pawl cu anmai duhhrilnak le an innsang hnen khalah thuhla an theihter hmaisa ding.

Kaphnih lungkimnak aum hnu lawngah an nunnak an cemter ding. Thil ziangkim an buaipi hnuah siivai in an dawt dingih hahdamten an hnuk a cat ding. Himi daan duhtu pawlin ‘duhdawtnak le zawnruahnak ruangah a si. Nitinten natnak tuar ih an aihram rero aiin hahdamten an cawlh lohli hi an hrangah a ṭha sawn’ an ti.

Himi daan duhlotu pawlin, ‘Sualnak neilo pawl thatnak a si. Minung nunnak hi a hlu tuk” an ti. Ramhruaitu pakhat in, “Thimkhawzing a tlung ding. Mi damcak lo pawl parih thu nan ṭhendan cu a ṭihnung tuk. San thuanthu ah tuisun hi khua a thim” a ti.

Be the first to comment

Leave a Reply

Your email address will not be published.


*