Australia Nauhak Kum 3 Mi Cu Ramlakah Ni 3 Sung A Hlo, Vangcung Mi In Arak Kilhim

Australia tlangram khuate ih um nauhak kum 3 mi Anthony “AJ” Elfalak cu amahten ramlakah ni 3 sung a hlo. A innsang pawlin palik an theihter ih an hawl, helicopter le leihnuai ihsin an hawl ciamco hnu ni 3-nak ah himdamten an hmu.

Helicopter ihsin an zuk ngah ih a kiangah vangcung mi aum tin hringtu a nu in media hnenah a sim thei. Anthony “AJ” Elfalak hi harhdamnak ṭha lo a si ih a ṭong thei hrih lo, zan 3 sung rori khuadai lakah aum ih rawlei ding khal aum lo nan damcak zetin an hmusal ruangah an mangbang tuk.

A nu Kelly Elfalak in, “Sakhua mi innsang kan si, Fala Thianghliam Mary le Vancung mi pawlin ka fale pawl an umpi ringring. Vancung mi pawlin an umpi ringring ti ka thei ih ka hmusal ding tin ruahnak ka neicia” a ti.

Anthony cu palik pawlin an va hruai ih siizung ah an zohdik, a harhdamnak khal a ṭha thluh ih a aipuang tuk an ti. Special Operations Team pawlin an hmuh hlan nazi 1 duh ah hringtu a nu cu biakinn ah thla arak cam rero.

A nu in, “Thlacamnak ih thil titheinak a si, thla ka cam thluh cu ka hmusal ding ti zumnak ka nei” a ti. A thlacam hnu nazi 1 ah palik pawlin an hmuh thu an sim thei. Siizung ihsin an suak zo ih palik pawlin ziangtin inn ihsin a tlansuak tileh ziangtin ramlak a khuasa ti pawl an zingzoi vivo ding.

Be the first to comment

Leave a Reply

Your email address will not be published.


*