Australia Nu In A Pasal A That Ih A Serh A Tansak

Australia, Melbourne khawpi ih um nu kum 44 mi Jasmine in a pasal a that ih a serh a tansak. May 5, 2022 simlam nazi 5:20 hrawngah pacang kum 59 mi Samir le a rualpa kum 61 mi Sarkis cu an inn ah an tongaw.

Cutin an um laiah Jasmine in coka nam in a dawt veve, a pasal Sarkis cu a hmun ah a thi cih. Sarkis khal siizung lam an tlanpi lai lamlak ah a hnukcat.

Jasmine cu bawli lawng hruh in khawlak ah a vak ih thihnai in aum, a kut ah hliam a tuar ve. Hmun hlanpi a thlen hnuah palik pawlin an va kai ih siizung ah an tuamhlawm. Siizung ihsin a suah hnuah tualthat thubuai pahnih an orhter.

Ziangruangah a pasal le a rualpa a that ti cu an phuang hrih lo ih palik in, ‘Himi thubuai phen ah thubuai tam zet aum ding’ a ti. Sarkis ih fanu in, “Ka pa hi miṭha zet a si, mihar pawl a bawm ṭheu. Rawlei ding na nei lo asilen dil awla a rawlei ding khal ei loin a lo pe sawn ding” tin a riahsiat thu media hnenah a sim thei.

Be the first to comment

Leave a Reply

Your email address will not be published.


*