Australia Tipi Kap Ah Rul Tumpi Aum

Australia, Queensland beach tipi kap ah rul tumpi aum ih tipi kap ih um mipi pawlin an ṭih tuk. ‘Elegant Sea Snake’ an timi rul a si ih a tur khal a pin tuk.

Tipi kap ih um ṭhenkhat ah a mei in an dir ih tipi sungah an thlahsal. A thuhla cu Australian Native Animals Facebook page ah an tarlang ih online mipi pawlin “Tipi sungih thlahsal ding a si lo.

Tipi sungih um rul cu an damlo & hliam an tuar tikah tipi kap ah an feh ṭheu ruangah tipi sungih thlahsal ding a si lo’ an ti. Australia ramsa humhimtu pawl khalin tipi sungih thlahsal cu idea ṭha lo a si, tipi kap ah ara sal thotho ding.

Minung hrang khalah a ṭihnung, hivek rul nan hmuh tikah rak tham nawn hlah uh, ramsa humhimtu pawl ko lohli sawn uh” tin theihternak an tuah.

Be the first to comment

Leave a Reply

Your email address will not be published.


*