Austria Sibawi In Damlo Ke A Tansual, A Ke Ṭhalam A Tansak

Putar kum 82 mi a damlo bese ih Austria, Freistadt clinic ah an hruai. May 18, 2021 ah siizung sungah an lutpi ih sibawi in a ke kehlam hi tan a ṭul an rak ti. Sibawi nu in a ke kehlam tan ding cu a mark sual ih a vorhlam ke sawn ah hminsinnak a tuah.

Damlo cu mitsii an dawt hnuah surgery an tuah ih sibawi nu in a ke ṭhalam vorhlam sawn cu a tanbul, cumi khal ni 2 hnu lawngah a dik lo sawntu an tan ti an theisuak. Sibawi in a ke kehlam hi tan tengteng a ṭul lai an ti bet cu an beidong zet.

Cumi hnu thla reilo ah putar cu a thi, a thih hnuah a tantanmi a nupi le a innsang pawlin court ah thubuai an thehlut ih siibawi cu $5,660 (€5,000) zat an kuanter, lainat um zet damlo putar hi arak thi zo nan zangnadawmnak cu a nupi hnenah an pe.

Court in sibawi kum 43 mi cu thu a sut ih, “Ziangruangah a ke diklo sawntu ah hminsinnak na tuah?” an tiih sibawi in “Ka thei ve lo” ti lawngin a sawn, sibawi cu daithlan thubuai an orhter. Siizung lam khalin damlo innsang hnenah ngaithiam an dil ih himi thuhla ah zingzoinak an tuah vivo ding thu an sim thei. Hmin tarlang rem lo sibawi cu hmun dang siizung ah a ṭuan zo ih a hlawh hrek cu hrentang a si.

Be the first to comment

Leave a Reply

Your email address will not be published.


*