Avatar 2 A Suak Cing Ding, Lemcangtu In, “Ka Zohsal Ih Minute 20 Hrawngah Ka Ṭap” A Ti

2009 kum ih an tlangthan mi Avatar zuknung cu leitlun ih zuknung zohnuam bik timi a si ih Titanic zuknung khal a luah’lan thei. Kum 12 hnu lawngah Avatar 2-nak cu an tlangthan tum, Avatar 2-nak hi an tawlrelnak a rei tuk zo nan thuhla a phunphun ruangah an suah lohli thei lo.

A cangtupa le a cangtunu khal anmah kel a si ding, a cangtunu Saldana in, “Avatar 2-nak cu ka zohsal ih minute 20 hrawngah ka ṭap ciamco. Thinlung neh zettu zuknung a si ding ruangah nan zoh tikah nan supawk a ṭul ding.

Ka zoh rero laiah ṭong ding ka thei lo ih ka mitthli a luangliam, nan theihhngilh nawn lo dingmi zuknung a si ding” a ti. Avatar 2 zuknung cu December 16, 2022 ah an tlangthan ding.

Zuknung tawlreltu in, “Covid-19 ruangah zo cio khalin buainak kan tong thluh, kannih khal thla 4 le hrek cu zianghman cangvai thei loin kan um. Curuangah Avatar 2-nak hi kan tlangthan tlai deuh. A rei hlanah Avatar 3-nak khal kan ṭheh cing ding, Avatar 5-nak tiang aum dingih 5-nak ah a cem ding” a ti.

Be the first to comment

Leave a Reply

Your email address will not be published.


*