Ayeyarwady Ah Nunau Pakhat That Ih A Bike Le Sumpai Pawl Laksaktu 2 An Kai

Tulai Myanmar ramsung buainak Covid-19 le ralkap pawl an hrang rero laiah suamhmang khal an tam zet. Mipi thilri, sumpai laksak dingin an vak, an tawi.

Tuisun July 19 ah Ayeyarwady, Kyangon ramsung ih nunau pakhat thattu mipa 2 cu an kai. Darka khua ih um kum 25 mi Ma Kay Khaing Moe cu Pathein ah hnaṭuan in a feh ṭheu, Pathein ah sumpai puk/sang theihnak dawr ah hna a ṭuan.

July 7 zanlam ah bike thawn a tlung ih Kaing Ta lamzin ah misual 2 in an rak kai ih nam in an sat that. An thatdan khal a rapthlak zet. A taksa parih sui le ngun, sumpai le a bike an laksak ih an tlanhlo.

Kyangon palik pawlin tualthattu cu an hawl vivo ih tuisun ah an kai ngah, pukmah 394/326 in thubuai an orhter ih thawnginn lamah an hruai. An kutsung ah sui hnakhai khatlam lawng, sui faute le bike thawn an kai ngah. June thla thok khalah misual rual in nunau le mipa an that ih an thilri pawl an laksak, Pathein palik pawlin tualthatu cu an hawl ih minung 3 an kai ti a si.

Be the first to comment

Leave a Reply

Your email address will not be published.


*