Bago Ah Dalan Hminthang An Kap Nan Amah An Kap Ngah Lo

Bago ramsung, Kyauktwin Kone veng ih um Ko Ye Tun cu dalan hminthang an timi a si. Ralkap pawlin inn 100 uktu lal an ṭuanter.

September 4 zan nazi 9:00 hrawngah zo ti theih lo pawl cu an innkot ah bike thawn an va feh ih an kap nan amah an kap ngah lo ih a dunglam ih um thingkung an kap ngah.

Himi hlan deuh ah ralkap 30 hrawng cu Kyauktwin Kone lamzin kap ah an dingih bike mawng lai cu an rak dingter tum ih an ding duh lo ruangah an kap ciamco zo.

Vengsung mi pakhat in “Ko Ye Tun cu an tual ih gate kiangah an kap, aumnak a hlan deuh ruangah amah cu an kap ngah lo. USDP Party ih um a si.

Ralkap in inn 100 uktu lal an ṭuanter ih amah thawn remaw lo pawl cu ralkap pawl a kaihter ṭheu. An kaih hnuah ngaithiam dil dingin a fial ṭheu” a ti. Ko Ye Tun cu an kap ngah lo ruangah a him, a kaptu pawl cu zo an si ti an thei hrih lo ih an kai ngah hrih lo.

Be the first to comment

Leave a Reply

Your email address will not be published.


*