Banhla Hmuan Ih Hnaṭuantu Cu Banhla Kung Par Ihsin A Tla Ih Banhla In A Nen, Hmuan Neitu Cu Taza A Cuai Ih Sumpai Tam Zet A Ngah

Australia, Queensland banhla hmuan ih hnaṭuantu Jaime Longbottom cu banhla kung par ihsin a tla thutthi ih banhla in a nen ruangah a hnaṭuannak company cu taza a cuai ih Court in $502,740 zat a kuanter.

Kum 5 liamzo June 2016 kum ah L&R Collins Farm timi banhla hmuan ah hna arak ṭuan, a hnaṭuan cu banhla lo a si. Banhla kung tum zet parah a kaiso ih banhla tam zet a lo, a liang parah a ret ih a rit tuk ruangah a tla thutthi. Cun banhla tampi in an nen bet ruangah hliamhma a tuar.

Catherine Holmes in court hmaiah “Banhla kung cu a pangai lo ih a tum tuk, cun a sang tuk fawn, company in training zianghman in pe lo. Banhla kung par kaidan khal in rak zirh lo ruangah hliam ka tuar phah” a ti.

Kum 5 liam hnu 2021 ahcun Supreme Court of Queensland in thuṭhennak felfai anei ih “Jaime Longbottom cu kg 70 ih rit banhla thawn banhla kung par ihsin a tlak ruangah hliam a tuar ih hna harsa a ṭuan thei nawn lo.

Company in training ṭhaten an pe lo, company in training ṭha zet rak pe sehla cun accident a tong lo ding. Curuangah company in zangnadawmnak ah $502,740 zat an pe ding a si” tin thu an ṭhencat.

Be the first to comment

Leave a Reply

Your email address will not be published.


*