Baptism A La Thluh Hnuah An Kap That

US, Florida tleirawl kum 16 mi Jackson cu April 24 sun ah an kawhhran ah baptism a la. “Pathian ih konak ka ngah” a tiih an pastor in tipilnak a pe.

Cumi hnuah a tlung ih an vengsung ah nunau tleirawl pawl an rak sualaw ciamco, sualawknak ahcun a farnu khal a telve. Thla 2 sung arak thlun zo mi a fala khal a tel, tleirawl pakhat in meithal a keng ih a fala cu kap a tum.

Jackson in a fala kum 14 mi cu a phen ih tlan aw a ti, cutin a tlan laiah meithal in an kap ih Jackson sawn a kap ngah. Siizung ah an tlanpi nan a hliamhma tuar loin a thi, tualthattu kum 19 mi khal tualsung palik pawlin an kai ih tumnak nei ih mithat thubuai an orhter.

An pastor in, “Himi sun ah minung 8 in baptism an la. Jackson cu baptism a la hnu reilote ah an kap that. A poi tuk, tuisun hi rundamnak ni a si, thaisun ah ziang kan cang ding ti kan thei lo ruangah muangcang hlah uh” a ti.

Be the first to comment

Leave a Reply

Your email address will not be published.


*