Bawlung Sit Lai An Kap That

May 23 zanlam ah Rangon, North Dagon Myothit bualrawn sungah ralkap pawl an va lut ih meithal an hmetpuak ciamco, ralkap pawl cu mipangai vekin hnipuan an hruh.

San Tun Aung Shwe Hlaing (b) Nagar Lay in meithal awn a theih veten a tlan ih phardawl par a kailai cu an kap. An kap ngah ih a tlaknak ah a lut a sawh’aw ih a lu a kuai.

Ralkap pawlin mihawlmi an nei ih bawlung sit pawl cu thu an sut vivo, thu an sut laiah anmah zohtu cu an lu ah an sit bet. Thu an sut thluh hnuah an tlungter thluh, asinan mithi ruang cu an la ih Dagon siizung ah an ret.

A rualpa pawlin Dagon sibawi an phone ih “Bawlung sit uniform hruh damlo pakhat cu an rung ret” a ti. Zinglam ah an phone sal ih a thi zo ti an sim, sibawi in a ruang cu zohdiknak an neih hnuah nan ra la thei ding a ti.

Dagon University Old Star member pakhat in “DUOS dintu San Tun Aung Shwe Hlaing (b) Nagar Lay cu manisun ah ralkap pawlin an kap that. Mi an theihsual ruangah kan unaupa kan can” a ti. San Tun Aung Shwe Hlaing cu Dagon University Old Star FC (DUOS) dintu lakih telve a si ih an rinsanmi khal a si.

Be the first to comment

Leave a Reply

Your email address will not be published.


*