Bawlung Sit Thiam Diego Maradona Cu A Thih Hnuah A Hminsia

Leitlun ih bawlung sit thiam bik an arak timi Diego Maradona cu November 25, 2020 ah hi leitlun arak suahsan. A thih tikah kum 60 mi a si, a thih hnuah a hminsia. Ritheihsii arak tham nasa tuk ruangah buainak phunphun a tong zo.

A thih hnuah Mavys Alvarez Rego timi nunau pakhat in, “Kum 16 mi ka si laiah Maradona in in pawngsual, sangka lenglam ah ka nu cu a ṭap rero” tin a phuangsuak. Mavys Alvarez Rego cu misual pawlkom in an kaihrem ih Maradona in a duh lo cingin arak sualpi ṭheu.

An zuk pawl khal a pholang ih a thilton cu mitthli thawn a relsuak. Maradona in a hringhro ih ritheihsii a thamter hnuah a pawngsual, amah lawng si loin bawlung sit thiam 5 khal an telve a ti. A umnak inn ah an va lutchilh ih Maradona in a sualpi, culaiah hringtu a nu in tong dingin an inn ah ava feh.

“Maradona in ausuak thei lo dingin ka kaa a huppit ih sangka cu a ong duh lo. Ka nu cu sangka lenglam ah a ṭap rero ih Maradona in ‘na kaa cip aw’ tin a hringhro” a ti. Thilti thei zetzet an si ruangah an phuangsuak ngam lo, Mavys Alvarez Rego in, “Ka nunnak hrangah ka ṭih tuk, vei tampi ka rak thataw tum zo” tin mithli thawn Infobae TV hnenah a sim thei.

Be the first to comment

Leave a Reply

Your email address will not be published.


*