Bawlung Sitnak Ruangah A Nupi Neihnak Mopuai Ah A Feh Lo, A Aiawh Ah A Unaupa A Ding

Nupi pasal neih ni hnakin ni poimawh aum lo an rak ti ṭheu nan a dik lo ti bawlung sit thiam kum 27 mi Mohamed Buya in a pholang. Mohamed Buya cu West Africa, Sierra Leone khua ih um bawlung sit thiam a si.

Sweden club Malmo FF ah bawlung sit dingin hmin an khen. Kan dung July 21, 2022 sun ah nupi nei ding a si nan Sweden lamin bawlung sit dingin a ko lohli ruangah a nupi neihnak puai ahcun a tel thei lo.

Mopuai ahcun a aiawh ah a unaupa a ding, a fala le a unaupa in kutsihnak an nei ih nupi neitu cu Mohamed Buya a si. Sweden ram ih a feh hlanaha a fala thawn mothuam hruh in an zuk aw ih online parah a tarlang.

Mohamed Buya in, “Ka lungduh ka fala thawn kan neiaw, ava sunglawi ve. Ka fala thawn kan neiaw zo, asinan neihawknak mopuai ah ka um lo. Ka aiawh ah ka unaupa arak ding, bawlung sit puai ah nehnak kan co hnuah sunglawi zetin honeymoon kan hmang ding” a ti.