Benjamin Sum In Chin Arsi Salai Kianghrol Damlo Bese A Veh

Chin calai khawvel ih hminthang Salai Siang Lian Uk @ Kianghrol cu pumpi le ril thling, thinthling, TB in a damlo bese. Royal City siizung ah zarhhnih lenglo an tuamhlawm hnuah a suak thei nan siizung ah piahaw vivo ding a si.

A fapa kum 1 mi Cung Lian Mang khal a hna ah hmasia a suak ih May 31 ah Kalaymyo, Royal City ah an at ding. Hlasakthiam hminthang Benjamin Sum in sumfai tinghnih 200,000MMK in a veh. Awnmawi Zuun Family khalin tingkhat 100,000MMK in an veh.

´Kan Calai khawvel Arsi tleu Kianghrol damlo besia kan theih in kan thinphang zet. Vehvaitu nei loin a um ding ti tla kan phang. Kan Calai khawvel ah tuah ṭuan ding hmabak tam tuk a nei lai. A dam lohli a ṭul. Sumfai kan neihsun thawhkhawm in kan vehmi a si` tiah AZ hotu S. Hu Lian in a sim.

Calai arsi tleu Kianghrol tei sungkua hrang thlacamnak in rak bawm cio uh, an pafa hrang na caan minute 1/2 pein Pathian hnenah damnak rak dilsak dingin kan lo sawm. Bomnak kutza sang duh hrang a hnuaiih Phone number ah pehtlaih theih ringring a si.

Nu Thluaite, Tahan 09400941007, Mai Thian Nei, Singapore, 81133207, Mai Hnemte, China, 13676681881, S. Hu Lian, Aizawl, 8575301313, Nu Si Eng Zi Em Mawi, Yangon, 09448001267.

Be the first to comment

Leave a Reply

Your email address will not be published.


*