“Benjamin Sum In Covid-19 A Ngah Nan Seherh Um Dinhmun A Si Lo”

Myanmar rampum huap hlasakthiam & Myanmar Idol season 4 runner-up Benjamin Sum cu June 1, 2021 ah tulai nathrik Covid-19 a ngah thu theih a si.

LRM hospital ah RAT hmangin Covid-19 a kai ti hmusuah a si, Covid-19 ih damlonak symptom cu anei lo. Mizoram ih raltlan pawl buaipitu, Myanmar Refugee Relief Committee sungṭuan Salai Hu Lian in “Seherh um dinhmun a si lo, inn ah Quarantine in aum a ti.

Khonumthung thuthang in an sutfiah ih “Aw, Covid-19 a kai. Tuisun ah ava cek-up aw ih arak positive. Thinphang um cu a si lo, a harhdam zet. A umnak Luangmual veng inn ah Quarantine in aum” a ti.

Benjamin Sum hi a nui damlonak ruangah Mizoram, Aizawl ih feh an si ih Myanmar raltlan pawl bawm ṭheutu a si. A thlennak Mizoram ah hlasak le music video tuah in a ngahmi sumsaw cu raltlan pawl bawmnak ah a hlu thluh.

Be the first to comment

Leave a Reply

Your email address will not be published.


*