Biakinn Sungah Ava Lut Ih A Pasal Itpitu Cu Tisa In A Tawih

Nigeria, Ogun State ih um nu pakhat in a pasal itpitu ih hmaiah tisa so burbo lai in a tawih ih a taksa cu a kang. Mi tuahmawhtu cu kum 37 mi Joy Sunday a si ih fate 2 anei zo. Hliamtuar ih hmin cu Justina Ameh a si, an kiangih um a unu in Joy Sunday cu a pombet ih a kut ah nam in a dawt.

Cumi hnuah kiangkap um mipa pawlin an va kaibet ih police kut sungah an hlan. Joy Sunday in “Ka pasal arak itpi áš­heu ruangah ka khuaruahnak khal a tibuai thluh. Himi sun ah biakinn sungah ara lut ih in camsiat ciamco.

Daiten ka suak tum zawngah ka kor dunglam a dir ih a tlek. Ka thinheng tuk ruangah inn ah ka va tlung ih tisa ka la hnuah a hmaiah ka tawih” a ti.

Justina Ameh ih unu in “Spring of Life Global Ministry sungih kan um laiah Bucket ah tisa thawn ara lut ih ka naunu ih hmaiah a tawih. Curuangah ka kaibet ih ka kut ah nam in a dawt, cumi hnuah kiangkap um pawlin an ra kaibet” a ti.

Justina Ameh khal a pasal thawn an ittlang le ittlang lo thu an sut ih Justina Ameh in “A pasal thawn kan karlakah ziangthu hman aum lo ti ka lo tiamkam” a ti. Justina Ameh cu Strong Tower Hospital ah an phur ih a hliamhma pawl an tuamhlawm, Joy Sunday khal palik pawlin an kai ih an thubuai cu an zingzoi rero lai.

Be the first to comment

Leave a Reply

Your email address will not be published.


*