Bible Kamsang (Zawlnei) Pawl Ih Thuphuan A Kim Rero Zo, Tipi Thi Khal A Nungsal Ih A Sungah Ngate An Um

Leitlun thilthleng pawl zoh tikah ni neta ih um kan si ti a theihtheih, sual rawngbawl rero ding caan a si nawn lo. Israel, Jordan ramri ih um Tipi Thi (Dead Sea) cu a nungsal ih a sungah ngate phunphun an tlangleng. Ramsa, rannung pawl khalin tidai an va in rero zo.

Pathian in Sodom le Gomorrah khua cu meisa le kat in a nuai ciamco hnu ihsin himi tiva cu Tipi Thi tin an ko, tipi zialphah ah ciihlawm tumpi aum ih tidai cu a al thluh. A sungih um ngate zaten an thi thluh ih zohman in an in thei nawn lo, tipithuamthum aiin alet 10 in a al sawn tin mithiam pawl an phuang.

Bible sungah ni neta ahcun Tipi Thi khal a nungsal ding arak ti vekin tu’ahcun a nungsal zo ih a sungah ngate pawl khal an um. Tipi Thi ih a danglam zetnak pakhat cu minung an pil thei lo, tileuh thiam lo khal an pil thei cuang lo. Tidai sungih an lut asilen tidai in tlunlam ah arak khaiso cingcing.

Jerusalem ih um Samantha Siegel in “Tipi Thi sungah ngate ka hmu cu kamsang pawl ih ṭongkam ka mangsuak. Kamsang pawl ih ṭongkam ka va siarsal ih ‘Aw, Tipi Thi khal a nungsal zo’ ka ti. A nungsal timi cu ngate lawngin an pholang lo, ka va feh tinten rampai pawl khalin a nungsal zo ti an rak pholang ve” a ti.

Bible, (Zechariah 14: 6-8) “Cuih caan a thlen tikah khawsik le vurtlak ti a um lo ding. Khawthim tikhal aum nawn lo ding. Zan hmanah sun khawvang lawng a um ding. Ziangtikah cuvek in a si ding, ti cu Bawipa lawng in a thei. Cuih ni a thlen tikah cun Jerusalem ihsin nunnak tidai a luang ding; tidai hrek cu Tipi Thi ah a luang dingih a hrek cu Mediterranean tifinriat ah a luang ding. Òhal tilo, fur tilo kum letsuak in a luang ringring ding”.

Be the first to comment

Leave a Reply

Your email address will not be published.


*