Bible Sungih Pacang Ṭuanvo La Ngam Lo, Pacang Ṭha Lo Bik An Timi (5)

Bible sungah zohthim tlak thuanthu tam zet aum, cumi lakah zohthim tlak lo khal tam zet aum. Christian Today thuthang sungah Bible sungih pacang ṭuanvo la ngam lo, pacang ṭha lo bik (5) tin an tarlang.

(1) Adam: Thingrah an ei hnuah Pathian in thu a sut ih Adam cu an thiltuahmi ah mawhphurnak a la ngam lo ruangah a nupi a puh. (Genesis 3:11-12) “Zo in so lawngfangkheh ih na um cu a lo sim? Thingrah ei hlah aw ka lo timi na ei maw si?” tiah Pathian in a sut. Mi pa in, “Ka hrangih na tuahmi nunaunu in thingrah cu i pe ih ka ei a si,” tiah a ti.

(2) Solomon: Nupi 700 le nupi sun 300 anei ih an biaknak sakhua hrangah temple a tuahsak vivo.

(3) Abraham: A nupi rori cu a farnu vekin aumter, hitin veihnih rori a tuah ih a nupi cu siangpahrang ihpi khal poi a ti lo. (Genesis 12:10-13) “A cuih ram ah nasa zet in paam a tlung ih rawl ei ding a um lo ruangah Abram cu Izipt ram ah caan tawite sung um dingin a vung feh.

Izipt ramri a thlen zik tikah a nupi Sarai hnenah, “Nang hi nunau hmelṭha na si. Izipt mi pawl ih an lo hmuh tikah Abram nupi a si, an ti dingih nangmah co duh ah keimah riangri in that pang ding. An lo sut asile a farnu ka si na ti pei. Cuticun nangmah ih ruangah ka luat dingih in zohṭha ding a si,” a ti. Cumi hnuah fa neih a duh tuk ruangah a salnu Hagar thawn an ittlang.

(5) Xerxes cu siangpahrang hminthang a si, a zurit laiah a nupi Vashti ih mawinak cu mipi hmaiah a pholang tum nan Vashti in a duhlo ruangah a ṭhen. A thuanthu cemnak cu a ṭha, cumi hnuah Esther thawn an neiaw ih Jews miphun pawl runsuaktu a si. A zurit lai ih a thiltuah cu zohthim a tlak lo zet.

(3) Nabal cu thinlung ṭha lo a si ruangah David in that a tum nan a nupi Abigail ruangah a that lo. (1 Samuel 25: 23-25) “David a hmuh ve tein Abigail cu a laak parih sin a ṭum ih leilung ah David ih kehram ah a bok ih,“Bawipa ka ṭong i ngai hram aw. Mawhthluknak cu keimah in ka tuar ko pei. Zianghman ih ṭhahnem lo pa Nabal ih thu cu zianghman ah siar hram hlah aw. Anih cu a hmin Nabal a si vek cekci in hawizawng lo a si..” a ti ruangah David in Nabal cu a that lo nan lungphu cawl in a thi.

Be the first to comment

Leave a Reply

Your email address will not be published.


*