Biden In Ukraine President Cu Tlan Dingin A Fial, A Tlannak Khal A Tawlrel Sak Tum

Russia le Ukraine cu nasa zetin an doaw rero lai, zarhte sun ah Russia ralkap pawlin Ukraine khawpi Kyiv la dingin an kap ciamco. Ukraine ralkap pawl khalin an nunnak thapin an khawpi cu an rak kil, Russia in Ukraine president le a kuthnuai ralbawi pawl a kai asilen a that thluh ding ti US ṭuanvo neitu pawlin an zum.

US president Joe Biden in Ukraine president Volodymyr Zelenskyy (kum 44) cu a phone ih Ukraine ram ihsin tlansuak dingin a fial, a tlannak ding lamtluan khalah US ralkap pawlin an kilhim ding thu a cah.

Asinan, Ukraine president in, “Tlan ka ṭullo, ral kan do lai. Tlan aiin cerek, ralthuam kan ṭul sawn” tin US president ih sawmnak cu arak hnawng. An doawknak ah Ukraine ralkap pawlin Russia vanzam tumpi pahnih an kap puak, vanzam pakhat sungah Russia ralkap 200 an to.

Vanzam puak ruangah ralkap paziat an thi ti cu an tarlang hrih lo, Russia President Putin in Ukraine ralkap pawlin an khawpi kil in an rak kap rero asilen bomb zaten ih pabik timi “father of all bomb” hmang a tum thu a suak. Himi bomb ih thazang cu a cak tuk, nuclear bomb silo ahcun thazang cak bik a si.

Be the first to comment

Leave a Reply

Your email address will not be published.


*