Bike A Ding Lo Ruangah An Kap That

Dawei, DDPC bazar kiangah mino pakhat cu bike a ding lo ruangah tin ralhrang pawlin an kap that.

Kum 22 mi Ko Paing Paing cu July 10 sun nazi 3:00 hrawngah rualpi inn ah leng dingin ava feh ih lamlak ah ralhrang pawlin an kap that. Ralhrang pawlin bike a ding duh lo ruangah an kap that thu an phuang. A hngawng le pum ah an kap ngah.

A thaisun ah siizung lam ihsin a innsang pawl an phone ih ‘a ruak ra la uh’ an ti. A sungkhat in, “Rualpi inn ah a leng ding thu a rel. Cumi hnu ihsin kan pehtlaih thei nawn lo, a thaizing ah a hlo tin an hawl ih ralhrang pawlin an rak kap that thu an thei” a ti.

Tulai hi Dawei khuasung ah ralhrang pawl umhmun an khuar nasa, lamzin pialnak hmuntin ah ralhrang pawl cu meithal thawn an ding thepthep.

Be the first to comment

Leave a Reply

Your email address will not be published.


*