Bike Mawng Ih Ei A Hawl Hnuah A Hminthang

Vietnam fala kum 21 mi Pham Thi Hang ih nun zalam tluan cu a zuamnak zarah a hminthang. Innsang harsa zet ih thanglian a si.

Tlawng a kai peh thei nawn lo ruangah kum 18 mi a si laiah Hanoi khawpi ah ava feh ih sammetnak dawr ah hna a ṭuan. Asinan, a hlawhsuahmi sumpai le a innsang ei le in hi a milaw lo. A hlawhsuahmi a mal tuk ruangah lamzin ah bike mawng in ei a hawl, bike in mi a phur ṭheu.

A ruangrai a ṭha in a hmuihmel a mawi tuk ruangah mipi in an uar zet ih an zukpi ṭheu. A zuk cu online parah an tarlang sak ih a hminthang deuhdeuh, cumi hnu ihsin zuk lam model ah a lut ih Vietnam model hminthang zet ah a cang.

Pham Thi Hang in, “Nan innsang pawl duhdawt uh. Lungawi aipuang zetin caan hmang ṭheu uh la nan sunmang pawl hlawhtling dingin zuam uh. Kan sirawk lonak dingah kan nolai caan hi hmang ṭha kung” tin forhfialnak anei. Amah le a innsang pawl duhdawttu tlangval a hawl lai.

Be the first to comment

Leave a Reply

Your email address will not be published.


*