Bike Thawn Thilzuar Lai An Kap That

Shan State, Muse ramsung, Nawnghseng khua ah bike thawn thilzuar lai cu zo ti theih lo pawlin an kap that. Salang khuami a si ih Muse ramsung khua dangdang ah fehin thil a zuar ṭheu, March 9 zinglam nazi 10:30 hrawngah an kap that.

Nawnghseng khuami pakhat in, “Kan khuasung ah an ra kap that, kap thattu pawl cu mipa 3 le nunau 1 an si. Kap that an tum hrimhrim, a phone le a sumpai bawm an lak hnuah an tlan” a ti.

Tualsung mibawmtu pawlkom in mithi ruak cu an va la ih siizung ah an phur, zohdiknak an neih hnuah an vuiliam. Tualsung mibawmtu pawlkom in, “Mizan khalah hlamtu neilo nunau ruak pakhat kan sar” a ti.

Ralhrang in thuneihnak an lak hnuah Muse ramsung ah suamhmang, damiah an pung ciamco ih hlamtu neilo mithi ruak khal an sar ṭheu.

Be the first to comment

Leave a Reply

Your email address will not be published.


*