Bomb Puak Ah Mino (6) An Thi

Yangon, Set San vengsung ih um ခေါင်ရည်ဆိုင် dawr pakhat sungah bomb a puak ih mino 6 an thi. August 19, 2022 zanlam nazi 5:00 hrawngah bawlung an sit ṭheh an tlunlam ah dawr ah an cawl lawk ih cutawk ah bomb a puak.

Ṭhenkhat thuthang sungah Pyusawhti pawl an si, bomb an test-nak ah a puak sual tin thuthang dik loin an tarlang. Media pawlin an zingzoi hnuah sualnak nei lo khuasung mi an si, kum 16 ihsin kum 17 karlak mi an si ti an theifiang.

Tualsung mi pakhat in, “Mithi pawl cu nauhak tete an si. Kum 16 ihsin kum 17 karlak mi an si, PDF an si le si lo cu ka thei lo. Mithi ruak cu an innsang pawlin an la thei hrih lo, vensgung mipi pawl khal mithi inn ah an feh thei lo” a ti.

Dawr neitu cu hmundang ah a tlanhlo hngal, dawr neitu ih nu cu ralhrang pawlin an kai. Himi bomb puak ruangah ralhrang pawlin tualsung mi tam zet an kai, mithi pawl ih rualpi khal sahimnak hawl in hmun dang ah an tlan.

Be the first to comment

Leave a Reply

Your email address will not be published.


*