Bomb Puak Ah Nauhak Pakhat Ih Kut A Bul

Myanmar ramsung buainak cu a sosang vivo, August 30 zinglam nazi 9:45 hrawngah Yangon, Hmawbi ramsung ah bomb a puak. Electricity office kiangah bomb a puak ih nauhak kum 13 mi ih kut a bul thu Khit Thit Media ah an tarlang.

Tualsung mi pakhat in “Meisa zung kiangah bomb a puak, hnawmhne sam nauhak pakhat ih kut a bul thu kan thei. Tu’ahcun ralkap motor ara thleng zo” a ti.

Damlo phurnak motor le ralkap motor pawl an va thleng ih kiangkap lamzin cu an phit thluh. Bomb puak thuhla le hliamtuar pawl ih thihla cu a cipciar in an theithei hrih lo, hliamtuar nauhak ih nulepa an pehtlaih tum rero lai.

Be the first to comment

Leave a Reply

Your email address will not be published.


*