Bomb Puak An Ṭih Ruangah Leikua Sungah An Relh Ih Thawsam In An Thi

Kayin State, Hpa-an ramsung, Sein Paing (Kan Soe Gone) khua ih um innsang member 4 cu October 9, 2021 zinglam ah vanduainak rapthlak zet an tong ih an zaten an thi thluh.

Ralkap pawlin an khua kiangkap ah bomb an thlah ṭheu ruangah bomb puak ṭih in lei an laikua, an lei laihkuami cu pi 6 in a thuk ih pi 14 in a kau. Cun lut, suahnak cu pi 2 in an ong, cutawk ah camkhat sung khuasa dingin an tawlrel.

Zinglam nazi 9:00 hrawngah an va lut ih oxygen aum lo ruangah thawsam in an thi thluh. Tualsung mi in “Leikua sungah mikeu sii an vang ih mikeu sii khu ruangah thlithiang hawp ding an nei lo ih an thi tla a si thei” a ti.

Kiangkap um pawlin an hmuh veten Hpa-an siizung ah an tlanpi hngal nan an thaw a cem zo an rak ti.

Be the first to comment

Leave a Reply

Your email address will not be published.


*