Bomb Puak Ruangah Mino 2 An Thi, An Innsang Pawl An Kai

Mandalay peng, Talot khuami mino 2 cu bomb puak ruangah an nunnak a liam ih an innsang pawl cu ralhrang in an kai. Kum 17 mi Maung Wai Khe Lyan Tun le kum 15 mi Maung Hlaing Htet Naing cu April 6, 2022 zan ah ralhrang umhmun khuarnak kiangkap ah an va feh ih bomb puak ruangah an nunnak a liam.

Bomb puak awn cu an khuasen in an thei thluh, cumi hnuah meithal awn an theih ruangah an va zohnai ngam lo ih a thaizing lawngah mithi ruak pahnih cu an hmu. Mithi pahnih cu sungkhat naiawte an si, April 7 ah ralhrang pawlin an innsang cu thusut ding aum tin an ko ih an kai lanta.

Tutiang an suah hrih lo ih sumpai ting 40 ih tlensuak dingin an sim thei. Khuami pakhat in, “Mino pahnih cu hriamkai an si lo, an innsang member 7 an kai ih tlensuahnak ah ting 40 an dil.

Ahlan khalah ralhrang pawl kaihmi cu sumpai thawn an tlensuak ṭheu. Tuiṭum ah ting 40 an dil ih sumpai pe sehla an suah ngai kem maw ti khal theih a si lo” a ti. Mithi ruak pahnih cu April 9 ah ralhrang pawlin an la ih an urkang, an innsang pawl zoh khal an siang lo.

Be the first to comment

Leave a Reply

Your email address will not be published.


*