Bomb Puak Ruangah Ralkap 5 An Thi, Ralkap Pawl Cu Motor Hnuaiah An Relh Ih Driver In Motor A Mawng Ṭhutṭhi Ruangah Ralkap 20 An Thi Bet

November 4, 2021 zinglam ah CDF-Mindat le ralkap pawl an doaw ciamco ih ralkap lam 25 an thi, hliamtuar khal tam zet an um.

Zinglam nazi 8:00 hrawngah Mindat-Matupi lamzin karlak ih um ralkap tank le ralkap motor pawl cu CDF-Mindat in bomb in an puah ih ralkap 5 an thi.

Bomb hmetpuaktu in “Mero a zam tuk ruangah fiangfai zetin kan hmu thei lo, zum hmangin kan puah ruangah ralkap malte lawng an thi. Fiangfai zetin hmu thei sehla cun ralkap tam zet an thi ding” a ti.

Cumi hnuah CDF-Mindat in hmailam le dunglam in an kap rawn ciamco. Dunglam ihsin kaptu pawlin dungtabik ih um ralkap motor cu an kap ciamco ih ralkap pawl cu motor hnuaiah an va relh.

Driver in motor cu a mawng ṭhutṭhi ruangah humhim awknak an nei nawn lo, ralkap pawlin motor cu an dum ih cutik laiah CDF-Mindat pawlin an rak kap ciamco ruangah ralkap 20 hrawng an thih phah ih hliamtuar khal tam zet an um.

Be the first to comment

Leave a Reply

Your email address will not be published.


*