Bomb Puak Sual Ruangah CNDF Ralkap Salai Sui Thawng Lian Ih Nunnak Liam

Chin State, Falam pengsung hmun pakhat ah bomb puak sual ruangah CNDF ralkap Salai Sui Thawng Lian (kum 19) ih nunnak a liam thu May 7, 2022 ah theih a si.

“Paraltha ka nau Sui Thawng Lian, mizan doawknak ah nan him ti kan thei ih kan lungawi zet. Kan Khua Thar inn a tangsun tla an him ti kan thei ih Pathian hnenah lungawithu kan sim rero. Khuapi pawl áš­ih le lau ih an relhnak hmun hramlak ihsin tuni damten inn an tlung thei sal ti kan thei ih kan lungawi kan hna a ngam.

Asinan cumihnu reilote ah in liamsan ti thawng kan theih cu kan zum thei lo. Kan tuar har tuk. Na diriam in teh ram le mipi hrangah na tuan ta man maw si! Mino te na si nan ram le mipi duhdawt in na pum le na nunnak rori na peknak parah ka lo upat tuk.

Phun 5 na kai laiah ca reilote sung ka rak lo zirh man. Ka hnakin tampi na nauhak ih ka tlawngta na si ko nan ka lo tluk lo, na sir ka lo sik lo. Upat tlak taktak na si. Kan thuanthu na mawiter ih kan thuanthu ah hngilhni na um dah lo ding. Paraltha ka nau, na thisen le nunak pekin kan thuanthu tha na ngan ko nan minung dan ah kan riahsia tuk. Tuar har kan ti tuk” tin Calvary Thang in a Facebook cahmai ah a tarlang.

Be the first to comment

Leave a Reply

Your email address will not be published.


*