Sagaing, Wetlet peng, Shwebo-Mandalay lamzin ah bomb puak sual ruangah mipi ralkap (5) an thi ih pakhat in hliam a tuar.
Ralhrang pawl fehnak ding lamzin ah bomb an rak kam tum ih cansualnak an tong. August 4, 2022 sun ah Shwebo-Mandalay lamzin, Ekone khua le Mauk Kyoe khua karlak lamzin ah bomb an rak kam tum rero laiah a puak sual ih PDF (5) ih nunnak a liam.
Mual liamtu (5) cu kum 19, kum 28, kum 32, kum 45 le kum 48 mi pawl an si ih pakhat in hliamhma a tuar. Himi lamzin ah ralhrang pawl an feh ṭheu.
August 3 zinglam nazi 9:00 hrawng khalah Shwebo-Mandalay lamzin parih tlan ralhrang motor ke 12 nei pahnih cu tualsung mipi ralkap PDF pawlin bomb in an rak puah zo.
Leave a Reply