Bon Jovi Bassist Tumtu A Thi

Rock and roll san laiah Bon Jovi hlasakthiam group hi theilotu an um zik lo, leitlun huap in an hmin a thang. Kum 70 mi an bassist tumtu Alec John Such a thih thu cu June 6, 2022 ah an tarlang, a thihnak san (natnak) cu an tarlang hrih lo. Alec John cu Bon Jovi Rock band dintu a si.

An hla hminthang ‘You Give Love A Bad Name’, ‘Livin’ On A Prayer’ le ‘Wanted Dead Or Alive‘ pawl ah bassist arak tum. Kum 11 sung Bon Jovi band ih aum hnu 1994 kum ah a suak ih amahten a cangvai, asinan Bon Jovi band thawn hna an ṭuantlang ringring.

A suah hnuah Bon Jovi band rung khaisangtu pawl cu singer Jon Bon Jovi, keyboardist David Bryan, drummer Tico Torres, guitarist Phil X le bassist Hugh McDonald pawl an si. Bon Jovi band in, “Kan duhdawtmi kan rualpa Alec John ih thuhla kan thei cu kan lung a kuai.

Bon Jovi pawlkom dintu a si ih thil ziangkim tawlreltu khal a si. Amah ruangah kan pawlkom khal a hngetkho. Kan sulhnu pawl zohsal tikah kan hni ih kan biang ah mitthli a luang, kan lo ngai zet ding” tin an tarlang.

Be the first to comment

Leave a Reply

Your email address will not be published.


*