Box Sungah Kum 7 Sung An Khum Ih Nupi-Sinak Sal Ah An Hmang

1977 kum ah US, Oregon ih um fala kum 20 mi Colleen cu a rualpi birthday lawm dingin ava feh, lamzin ih tlanlai motor a phar dingih a to.

Nupa tuakkhat ih motor ah a to ngah ih an ṭha hmel zet, cutin lamzin kap dawr ah an cawl lawk. Colleen cu dawr sungih ekinn ah a thiaraw lawk ih ekinn lenglam ihsin zo ti theih lo nunau pakhat in “Tlan zang awla ra kirsal nawn hlah” a ti.

Asinan, Colleen in arak ruat thupi lemlo ih motor sungah ava tosal, cutin an tlan vivo ih minung umlonak hmun an thleng tikah nupa tuakkhat cun Colleen cu an kaihrem. An inn ah an tlungpi ih box sungah kum 7 sung an khum, a caan len nikhat ah nazi 23 sung tla an khum.

Box sung ihsin a lu lawng an suahter, a kaitu mipa in nupa-sinak a hmangpi ringring ih an nu khalin ziangtin hman arak ti lo. An nupa in an hrem ṭheu ih an pa in a duh tiktik caan ah a itpi ringring, tlansuah na tum asilen nangmah le nan innsang zaten kan that thluh ding’ tin an hringhro.

Kum 7 hnuah cun an theithiam aw vivo, a kaitu 2 khalin an suah zalen ṭheu ih an sungkua member pakhat vekin an zoh.

Cutin an umtlang hnuah a kaitu mipa Cameron in a nupi pahnihnak si dingin nupi ah anei, cumi hnu lawngah a nupi hmaisa Janice khal amah vek thotho ih kaihhremmi a si ti a theisuak. Janice in a thuhla zaten Colleen hnenah a sim thluh.

Colleen cu tlansuah a tum nawn lo tin an ruat ih zalen zetin an umter hnuah a tlansuak ih palik hnenah a thuhla cu a sim thluh. Misual nupa khal an va kai nan Colleen in an nu Janice cu amah vekih kaihhremmi arak si ruangah taza a cuai lo ih an suah zalen sal.

Colleen in kaihhrem a si laiah Cameron in nunau pakhat a soisa that a ti. 1985 kum ah Cameron cu kum 104 sung thawngtla dingin a thu an ṭhencat. Colleen le Janice khal California khawpi ah an um lai ih an hmin an thleng danglam.

Be the first to comment

Leave a Reply

Your email address will not be published.


*