Africa, Durban ah boxing zuamawknak an nei. June 5, 2022 zarhpisun ah Africa boxing thiam kum 24 mi Simiso le Mntungwa an thongaw. Simiso cu Africa boxing thiam a si ih nehtu anei dah lo, WBF African lightweight laksawng a ngah zo.
A laksawng ngahmi cu cuhaw in an thongaw, a cemnak round 10th-nak an thongaw ih an cau zet. Mntungwa in a lu ah a thong ngah, cumi hnu khalah Simiso in a neh zet lai ih a thong ciamco thei ih Mntungwa cu a tlu.
Referee in a ṭhen ih an thongaw sal ding cu Simiso ih lung a aa, dunglam a hoi ih minung um lo, boruak cu a thong ciamco. Hitin boruak a thong lai video cu online sung khalah a lar zet ih mipi in a harhdamnak an seherh tuk.
Referee in a cawlhter, a thongpi Mntungwa khal mangbang anhai zetin aum. Simiso cu siizung ah an tlanpi hngal ih biak a thei nawn lo, a thluak sungah thisen a lut ti an thei. Siibawi pawlin an theitawk in an tuamhlawm rero nan June 7, 2022 ah a hliamhma tuar nawn loin a nunnak a cem.
Leave a Reply