Brad Pitt In Christian Ihsin Sakhua Neilo Ih Arak Umnak San A Rel

Kum 58 mi Brad Pitt cu leitlun zuknung khawvel ah a hminthang zet. Asinan, a innsang nun zalam tluan ahcun buainak in a khat. A nupi lemcan thiam Angelina Jolie thawn an ṭhenawk hnuah buainak an nei ringring lai.

Brad Pitt hi Southern Baptist ih thanglian a si ih hringtu a pa cu sakhua mi a si. A nulepa in a nauhak lai ihsin sakhuami si dingin nun an sim ṭheu, an kaihruai nasa tuk. Christian zumnak ah tuah ding le tuah lo ding khal nasa zetin an sim thei.

Brad Pitt in, “Christian thangphawknak hmun ah ka va feh ih thlarau thianghlim ih umpitnak ka ngah ih ka hlim tuk. Cumi hnuah rock concert-nak ah ka va fehsal ih ka tonmi cu a bangaw, ka hlim tuk. Asinan, rock concert-nak ih awnmawi cu setan awnmawi an ti.

Mi tampi in sakhuanak cu nun hnangamnak a si an tiih keimah ahcun nunharnak a si. Christian innsang ihsin thanglian ka si. Na buainak zaten Pathian in a lo cinfelsak ding in ti ṭheu, asinan ka buainak pawl cu cinfel a si cuang lo. Cumi khal Pathian ih remruat a si an ti lala” a ti.

Brad Pitt cu kum reipi sung sakhua neilo in aum, ziangvek pathian khal a zum lo. 2021 ah hmaiton thusutnak an nei ih cutawk ahcun, Christian zumnak ah aum sal thu a sim thei. “Ka innsang pawl ih zummi cu tuini tiang ka zum lai. Hringnun ah buainak le hnangamnak aum veve” a ti.

Be the first to comment

Leave a Reply

Your email address will not be published.


*