Brazil President Mask A Bun Lo Ruangah Cawh A Kuan

Brazil president Jair Bolsonaro (kum 66) cu June 12 sunah amah dinpitu pawl thawn lam an lengtlang, motorcycles 12,000 thawn khuasung an fangkual ciamco ih an ram president in hmai a hruai.

Mask bun loin mipi a pung khawmter ruangah an ram daanpahbal tin $100 zat an kuanter. Hitin bike thawn a vahsuahnak cu hnakum hrilawknak hrang mipi hip a tum ruangah a si.

Jair Bolsonaro in “Covid-19 khamsii dawt zo pawl hrangah mask bun a ṭul nawn lo” a ti, sibawi thiamsang pawlin Covid-19 khamsii dawt hnu khalah mask bun le kutkolh ringring a ṭul thu an phuang zo.

Leitlun huap Covid-19 natnei tam ramah Brazil ram an telve, leitlun huap Covid-19 natnei tam ram a pathumnak ah an um ih mithi tambik ram ahcun pahnihnak ram an si. Pakhatnak ram cu USA a si, cuti cingin an ram president in mask bun loin minung a thawngtel thawn lam an lengtlang dutdo.

Be the first to comment

Leave a Reply

Your email address will not be published.


*