Brazil Ramkhel Hminthang 2 Cu Sualawknak In An Thubuai An Cinfel

Brazil ramkhel hminthang pahnih cu an karlakah remawk lonak, thubuai phunphun aum ruangah an thubuai pawl cu sualawknak in an cinfel. A nehtu in an ramkhel thubuai khalah nehnak a co ding tin an lungkim tlang ih an sualaw vutvo.

Kum 39 mi Simao Peixoto cu Borba ramsung hruaitu a si, an ram thurawm petu hlun Erineu Alvas Da Silva (kum 45) thawn an remaw lo zet. Erineu Alvas Da Silva in a soisel ringring ih “Miaa pa” tin tla a ko, Erineu Alvas Da Silva in an karlak ih thubuai pawl cu sualawknak ih cinfel dingin a ngir hmaisa.

Simao Peixoto in reilote hnuah a cohlang ih “Lamzin ih misual áš­heu ka si lo, kei cu Borba ram hruaitu ka si. Asinan sualawk a duh a si ahcun ka man ringring, nehtu ka rak si ringring” tin online parah a tarlang. An sualawknak cu MAA daan le dun vekin an sualaw, thongawk, sitawk le buanawk pawl a ngah thluh.

A zoh man cu ticket pakhat ah $100 in an zuar, an sualaw taktak cu an nehtawk aw zet ih mipi khal an rak au dumdo. A thok lam ahcun Simao Peixoto in a neh lo lawk, asinan round 3-nak ah Simao Peixoto in a buantlu ih nehnak a co.

Be the first to comment

Leave a Reply

Your email address will not be published.


*